Pempoull 2009 Loread ar genstrivadeg hewelioù evit skritell Gouel Kan ar Vartoloded 2009 a zo ul loreadez ! Rosemarie David an hini eo, ur grafourez yaouank eus Lannuon, gant un dresadenn savet da daolenniñ ha da aroueziañ liested ar sonerezhioù eus Amerika (an tem dibabet evit ar gouel e 2009) kement ha perzhioù morel trempet mat ar gouel !  Auteur : Vincent 14-05-2008 13:08

Lestrañ davet an Amerik ! Deiziadoù ar c’hentañ Gouel Kan ar Vartoloded a zo anavezet diwar-vremañ. D'ar 7. 8 ha 9 a viz eost 2009 e vo. Hidiv eo gouest an aozerien da zic'houeliañ tem ar gouel ivez. War-lerc’h aodoù ar mor Kreizdouarel (2003), broioù ar reter (2005), an Afrik (2007), an 9vet Gouel a dreuzo ar Meurvor Atlantel hag a ginnigo « lestrañ davet an Amerik » ! Eus sonerezhioù tomm ar C’hebek pe an Akadi da luskoù heoliek Amerika ar Su, en ur dremen dre an Antilhez... Ne vanko ket an dizoloadurioù, hag an digêriañ a vo ur wech ouzhpenn kavet e Pempoull. Da vezañ meneget ar c’hoant a zo adarre gant an aozerien da gas en-dro an taol esae bet lañset e 2007, da lavaret eo aozañ ur genstrivadeg hewelioù, ma vo roet lañs dezhi en deizioù o tont. An oberenn a vo dibabet a servijo da skeudennaouiñ skritell Pempoull 2009. P'eo anavezet an tem gant an arzourien e c’hellont bremañ kregiñ da lemmaat o c’hreionoù, glaouennoù-tresañ pe barroù-livañ...  Auteur : Vincent 22-11-2007 10:15

DVD Ar Gouel Un DVD o taolenniñ lod eus momedoù brasañ an 8vet Gouel Kan ar Vartoloded a zo war ar stern. Rakwelet eo an dont er-maez evit miz here. Bez e c'heller koulskoude rakprenañ anezhañ a-benn bremañ, d'ar priz a 18 € (frejoù kas e-barzh), da France Vidéos Productions, Kersantez, 22140 Bear, pellgomz : 02 96 45 35 66. Er stalioù e vo gwerzhet evit 20 €...  Auteur : Vincent 22-08-2007 12:18

Ya ! Goude an Erer Kozh, ar FIL ha Brest 2008 emañ Gouel Kan ar Vartoloded o paouez sinañ ez ofisiel Karta Ya d'ar Brezhoneg. Dalc'het e oa bet al lid d'ar 25 a viz gouere, gant Lena Louarn, prezidantez Ofis ar Brezhoneg, ha dirak ur bern tud pedet. Dont a ra ar sinadur-mañ da gadarnaat oberioù niverus bet kaset da benn gant ar Gouel evit hor yezh c'hoazh, ha n'eo stumm brezhonek al lec'hienn-mañ nemet al lodenn welusañ anezhe. Talvezout a ra ivez kement-se da engouestl evit oberioù nevez da zont.  Auteur : Vincent 30-07-2007 12:53

Gounezit Ho Plasoù 30 plas da c'hounit e kreizenn Leclerc Pempoull ! 15 bilhed 1 devezh a vo tennet d'ar sord disadorn, d'an 21/07, ha 15 all d'ar sadorn 28/07. Listennad ar c'hounezerien a vo embannet e-barzh ar stal. Kement ha dont d'ar greizenn Leclerc e c'hellit ivez dizoloiñ an dibab pladennoù ispisial a zo kinniget deoc'h evit ambroug ar gouel, gant pladennoù ar strolladoù, kanerien ha sonerien pennañ a vo tu deoc'h gwelet eno.  Auteur : Vincent 22-07-2007 12:13

Rilhetez... Gastronomiezh Pempoull en em lak da glotañ gant blaz ar gouel ! Dizoloit ar rilhetez nevez deuet maez, dindan livioù ar gouel. Kinnig a ra deoc'h ar stal Paimpolaise de Conserverie 4 bouest-mir, da zebriñ hep muzul : rilhetez brennig, rilhetez bouedennoù Sant Jakez, pe c'hoazh glazenn gant jinjebr, ha sardin gant tomatez koñfizet. Ur stal a vo dalc'het e-barzh ar gouel, e-touez an diskouezerien a bep seurt, deoc'h da gas ganeoc'h al lipouserezh a vor-se, e-giz eñvorennoù...  Auteur : Vincent 22-07-2007 12:12

Euriadur... Roll euriadurioù Pempoull 2007 'zo bet lakaet enlinenn hidiv (er bann Euriadur). Kavout a reoc'h eno holl eurioù tremen an arzourien. Ouzhpenn-se hon eus embannet ivez tres ar gouel (er bann Keloù Pleustrek) evit reiñ tu deoc'h da brientiñ gwelloc'h ho tibenn-sizhun, dre ginnig deoc'h lec'hiadur an holl lec'hioù strategel (leurennoù, stalioù debriñ, digoroù, abadennoù, hag all) Evit echuiñ, kinnig a reomp deoc'h selaou kendastumad an arzourien pedet e Pempoull 2007, gant ar Juke Box nevez (er bann Programmadur). Selaouadenn vat deoc'h, ha ken ar c'hentañ !  Auteur : Vincent 25-06-2007 14:34

Kenweturañ Evit mont da Bempoull evit an hañv, soñjit er c'henweturañ ! An diskoulm-mañ a liammo ar blijadur gant an espern arc'hant, en ur wareziñ an endro. Un dazeilad d'an treuzdougen foran. Respont a ra da galz ezhommoù, da skouer evit an tachennoù pourvezet fall gant an treuzdougen boutin, en kaz a harz-labour, a esvezañs, a sac'hadenn garr-tan... A-benn kaout muioc'h a ditouroù, klikit war al logo amañ e-kichen. Deuit ganeomp, en hon meuriad, ha kavit ar buannañ ar gwellañ an tremeniad pe ar blenier a ranno ar pennad-hent ganeoc'h laouenek.  Auteur : Vincent 25-06-2007 14:32

Kelc'hiad Afrikat e sinema Breiz Pempoull Kement ha reiñ ur raktañva eus Pempoull 2007 e vo aozet gant ar sinema Breiz, e kevelerezh gant Gouel Kan ar Vartoloded, ur C'helc'hiad Afrikat, eus ar 7 d'an 11 a viz even. Bannet e vo Bamako, savet gant Abderrahmane Sissako, Le dernier roi d'Ecosse, savet gant Kevin Macdonald, ha Goodbye Bafana, savet gant Bille August. Profet e vo da bep arvester skritell ar Gouel, skeudennaouet brav tre gant Nicolas Guéguen, ha pegsun PL 07. Priz izel (5,30 € an abadenn). Evit mont e darempred :  Auteur : Vincent 06-06-2007 19:53

Gwennyn, Dobet Gnahoré, Gangbé Brass Band… A-benn ar fin eo bet nac'het gant Kohann ar bedadenn a oa bet graet dezhi da zont da ganañ e Pempoull, pa soñje ganti ne oa ket Gouel Kan ar Vartoloded evit he donezonoù dreist, c'honvat... Erlec'hiet e vo war al leurenn (er c'habared, da 5e30, d'ar sadorn 4 a viz eost) gant Gwennyn, a zo bet roet nevez zo d'he fladenn gentañ titlet En tu all ar priz « arzour yaouank » gant ar gevredigezh Produet e Breizh. Gwennyn 'zo dreist ! Da vezañ meneget ivez Dobet Gnahoré (e-lec'h Kora Jazz Trio) evit Nozvezh Afrikat ar c'habared (d'ar sadorn 4, 8e30). Gangbé Brass Band a gantreno dre ar c'haeoù e-pad an tri devezh (e-lec'h Marzoug a oa rakwelet da gentañ.  Auteur : Vincent 06-06-2007 19:52

1 2